اعتزال وسط البشر

تصدقو بجد بتوجع أوي

اما تحس انك لوحدك وسط الناس

وحده رغم وجودهم حواليك

محدش فاهمك لو عملت أيه

محدش برضه هيفهمك مهما حاولت تشرحله 

لان محدش هيحس بـ اللي جواك زيك

لانه اصلا بيكون صعب يتشرح بالكلام

بتلاقي اللي بيساندك و بيحاول يفرحك و يطلعك من الكأبه اللي عايش فيها غصب عنو بيدوس علي جرح اتقفل

يتفتح تانى و تفضل تانى تحاول تنسي الوجع

مبتبقاش عارف الغلط منك ولا من مين 

بتكون شايف همومك و بس

ساعات اما همومنا بتكتر مش بنقدر نبين اهتمام لحد   وقتها

لو ممكن حد يزعل منك و أنت اصلا مش واخد بالك 

هيزعل منك كتير في الفتره دي انك مش بتسأل عنهم و يمكن تخسر منهم ناس 

لانك في الوقت ده بتكون في حاله ربكه

مش هتمسك في حد يقعد 

لان في بالك لو بيحبك هيستنى اما تفوق من اللي انت فيه

.....

درجه لامبالاه كبيره انا وصلت ليها و محدش يلومنى عليها

ايام و هنعيش و هتمشي الحياه

اصلها مبتقفش ع حد و تستناه

ايام هتعدي و هقول ياريتنى

كنت عرفت انى 

انسان زي اي أنسان

عرف معنى النسيان

بعد ما جرب الحياه

 .

 .

.

.

فكر كويس قبل ما تاخد قرار بالاعتزال عن الناس

حتي لو خدته عشان ترتاح متقفلش كل الابواب وراك 

سيب باب واحد مفتوح

عشان اللي بيحبوك