يا هم العمر

لم اتردد ولو للحظة عن الابتعاد عن كل شئ ، اخيرا .. فعلتها بكل ثقة .. لا عودة الان
أتمني ان تعيدني الكتابة لنفسي فلم اجد بجواري احد يفهمني ولا يتحمل كل ما احمل من وجع بداخلي
"انني اعطيت ما استبقيت " ولم اجد الا نكرا للجميل ..
زرعو في قلبي الشوك يا فيروز .. لم أظلم من احد كما ظلمت ممن اعطيته كل حياتي .. ما تمنيت اذاه
لا اعلم كيف رآني بهذا السوء .. لم يحنو قلبه ولم ينكر ما قيل .. كأني شخصا مختلفا تماما كان ينظر إليه .. لست انا من تحدثت عنها بكل هذه الاتهامات
"احببتك كما لم يحب احد من قبل"
البارحة وقفت عند حافة الخطر، كنت علي وشك إنهاء هذا الوجع للابد .. لماذا لم افعل ...
اعلم اني سأسبب الوجع لامي ..
كنت لك كل العالم .. والان اقول لك ..لك العالم كله الا انا
يا إللهي ظلمني ..قلبي مقهور يا رب .. قلبي مقهور و موجوع
بحس حالي عم موت من جواتي وماني قادرة ادافع عن حالي .. ما عم يسمع الا صوت نفسه ... يارب يا وكيلي
"اتمني افارق الدنيي وما برجع ابدا"

....

خليني ابدأ الكلام بالجملة دي ..
لم اعد شجاعا يا عزيزتي ... انا مكسور بالكامل... لقد كسروني
هذا العالم نشيده .. فينهار .. فنشيده مرة اخري. فننهار نحن
حرفيا كل كلمة و كل حرف .. يمثل حالتي معرفش فين الغلط او من مين يمكن مني يمكن الدنيا كدا .. بس اللي عارفاه اني بقيت لما حاجة المفروض هي السعادة ليا بقيت عارفة ان هيجيلي وراها حاجة هتكسرني ضعف الكسرة اللي كنت قبل م الحاجة دي تحصل
لو قعدت اوصف في احساسي دلوقتي كتير .. مش هيودي ولا يجيب الكلام ولا هيزود ولا ينقص .. مبقتش عاوزة نصيحة ولا شفقة من حد
مبقتش شايفة له لازمة الحكي عشان مش بيغير حتي نفسيتي
كل الطرق تؤدي الي القاع ..
حتي اللي بختاره ببقي حاسة اني .. عارفة كويس انه الحاجة الوحيدة اللي مش هتحصل
يمكن كل.مدي بيزيد اقتناعي بالفكرة دي
كل.م هتبقي عاوز حاجة
كل. م هتبقي مش ليك
بحاول وهفضل احاول.. بس فكرة اني اجاري الاحداث و اقبل بوضع اكيد هيجي يوم و يتغير و يمشي زي منا عاوزاه.. مش بتيجي
انا اسفة اذا كنت هتغير .. او بدات اتغير ..
حاسة اني محتاجة حد يقولي مش هسيبك انا عايزك. انا.محتاجك انا ليكي وانتي ليا... بس الحد دا مش هيبقي موجود
عشان انا.عايزاه .. يجي
انما اللي انت مش عايزو هيجي لحد عندك ..
العقل لو طاوع القلب مبيقدرش
مش عارفة لحد دلوقتي جايبة القدرة اني اكمل ازاي
والله م عارفة يا الله حكمتك
حكمتك في كل اللي بيحصلي دا... انا.هصبر و هستني و هصبر لحد ما ترضي عني...... يا رب
يا رب.مش عاوزة معجزة ... عاوزة حياة طبيعية
عاوزة اعيش في ملكوتك وانا راضية بحياتي مش.مجبرة عليه

اخر ما توصلنا إليه

بيقولو في العتمة بتعرف مين نجومك
معرفش جت في بالي الكام يوم اللي فاتو ان خلاص حتي دي مبقتش حقيقة لان العتمة بتخليك مش قابل يبقي ليك نجوم اصلا .. شدتني صفحة في كتاب شكلها سافرت .. بتتكلم عن الخوف و الخوف عندها تقريبا بقي عندي.. بخاف من قدرتي الاستثنائية من التخلي عن اي شئ .. مبقتش بدي فرصة تانية لحد الغلطة بتبقي بفورة مفيش بعدها رجوع قدرتي دي يمكن انا الوحيدة اللي شيفاها ميزة بس لما الوجع بيجيلك من اقرب ناس ليك سواء اخترتهم او مخترتهمش .. فالنتيجة واحدة
النتيجة اني كل ما اديت امان .. كل ما النتيجة كانت سلبية .. كنت بتمني من ربنا وبدعيلو يا رب قوي قلبي يا رب ساعدني انسي .. والنتيجة كانت اني بقيت بنسي كل حاجة حتي نفسي و الموضوع بقي شبه مرض عندي .. النتيجة خناق .. النتيجة كمان بقت اني بحاول ابقي ع اخر شخص في حياتي و لقيتها هي اول واحدة بتكسرني .. رجعت لوراا اوي .. كنت بطلع لقدام كانت هي ضهري .. مرة واحدة حسيت اني رجعت للبلد اللي مشوفتش منها خير .. شوفت فيها كل وجعي .. رغم ان الغربة و انك ملكش حد وحش بس المسافات حلوة اوي بتحلي العلاقة بين الاهل .. بتحس انهم خايفين عليك بجد بتحس ان حد مهتم بيك .. رجعت اكتب تاني نفس الحياة نفس الايام ..نفس النوم
النوم مهرب بس مش حل بس مش قدامي حاجة غيره دلوقتي ..
وجود شخص في حياتي يشيل عني بقت فكرة سخيفة وملهاش لازمة .. تخيل حد في حياتك المفروض انو يشيل عنك يبقي بيشوف فين نقط ضعفك عشان لما تبقي تحت ايديه يوجعك ..
العالم دا سخيف او بالاخص بلدنا .. عادتنا وتقاليدنا اللي بتعظم الولد و بتكسر البنت .. مهما كان فاشل .. مهما كانت هي قوية و ناجحة .. مهما كان هو مش بيتعب وهي بيطلع عينيها ..
انا ملقتش حل غير اني اكتب بدل النوم .. ولأن الكلام دا مش هيفرق في حياة حد .. بس يمكن اني اطلع كلامي في الكتابة يمكن يشيل شوية .. خصوصا اني مبقتش بقدر اعيط .. حتي لو عيني دمعت مش برتاح
رغم كل دا عندي هدف و هعملو .. ليه ديما اللي عاوز يعمل حاجة في حياته هو اللي يطلع عينيه .. معرفش .. اكيد في سبب اكيد..
الحمدلله ع كوني فيا ضمير .. الضمير اللي بيبعدني دلوقتي عن الغلط و الفشل والقرف
رغم كل الظروف بختار اني اعيش اللي بحلم بيه
هكون في يوم حاجة .. انا عارفة ربنا مزرعش فيا الاحساس دا من غير سبب .. اكيد
انا عارفة يا رب اني مش محتاجة اقولك كل اللي جوايا .. انت عارف..
عارف اني بحاول .. مش اذكي واحدة في الدنيا بس بحاول ..
انا هفضل ابني سفينتي حتي لو شربتو البحر #الجوكر